FNSH ka zbarkuar mbrëmjen e kësaj të Diele në qytetin e Elbasanit. Mësohet se Forcat e Ndërhyrjes së Shpejtë janë duke kryer kontrolle të imtësishme në vendet ku mendohet të jenë persona që kryejnë aktivitete kriminale.
Ende nuk ka një njoftim në lidhje me emra konkretë që po kërkohen në Elbasan, por bëhet me dije se po kontrollohen banesa e biznese të ndryshme. Pritet njoftim nga Policia e Shtetit për më shumë detaje nga këto kontrolle.
Ditën e djeshme policia e Vlorës dhe FNSH kanë “blinduar” qytetin bregdetar.
Janë ngritur disa pika postblloku në hyrje dhe në dalje të qytetit. Kryesisht vëmendja u përqëndruar në Babicë, “Bishti i Kalldrëmit” dhe në brendësi të qytetit.
Burime policore bëjnë me dije se përforcimi i masave vjen në kuadër të aksioneve për të kapur personat e shpallur në kërkim dhe për ata që lëvizin me armë.
