Personat me aftësi të kufizuar në Elbasan kanë dalë sërish në protestë ditën e sotme për mospërmbushjen e kërkesave të tyre.
Fillimisht iu premtua një takim, i cili u zhvillua por nuk morën përgjigje, duke i detyruar të marrin një vendim për futjen në grevë urie deri në plotësimin e kërkesave.
“Kishim takimin , nuk e di kush përfaqësues ishin atje. Na thanë do të ju kthejmë përgjigjeje të martën. Më mirë të vdesim këtu nuk kemi rrugë tjetër. Nuk e di si ta shpjegoj pse ma hoqën. Nuk mundem dot të jetoj me 120 mijë lek. Nuk jetohet dot”, u shpreh Andrea Qosja.
“Unë kam një vajzë të lindur me probleme. Është 30 vjeçe dhe ata i kanë hequr pensionin tetraplegjik për ti ndërruar emrin. Kjo është e padrejtë.Para tre ditësh i dhashë një ultimatum qeverisë për zgjidhjen e problemeve tona. Deri më tani nuk kam marrë asnjë përgjigje. Asnjë përgjigje skemi marrë deri sot,” thanë ata.
