Policia e Tiranës, ka arrestuar ditën e sotme dy persona (vëllezër), pasi tentuan të vidhnin në një magazinë.
Blutë bëjnë me dije se në pranga kanë rënë shtetasit me iniciale M.J, 34 vjeç dhe J. J., 20 vjeç (vëllezër).
“Në rrugën “Pavarësia”, gjatë natës, shërbimet e Policisë kanë kapur në flagrancë në tentativë për të vjedhur në një magazinë, shtetasit M. J., 34 vjeç dhe J. J., 20 vjeç (vëllezër), të dy banues në Tiranë.
Nga veprimet hetimore ka rezultuar se këta dy shtetas kanë kryer disa vjedhje të tjera. Vijon puna hetimore për dokumentimin e plotë të tyre”,- thuhet në njoftimin e policisë.
Në cilësinë e provës materiale janë sekuestruar një automjet që dyshohet se përdorej nga dy vëllezërit, për të kryer vjedhjet, si dhe materiale të ndryshme, të dyshuara të vjedhura më parë.
Materialet i kaluan Prokurorisë, për veprime të mëtejshme procedurale.
