Mbyllen hetimet për ish-gjyqtarin e Lartë/ Kërkohet konfiskimi i 7 pasurive

SPAK njofton se ka përfunduar hetimet dhe ka dërguar në Gjykatën e Posaçme kërkesën për gjykim, në ngarkim të të pandehurit Guxim Zenelaj, ish gjyqtar në Gjykatën e Lartë.

Ndaj tij është ngritur akuza për veprën penale të “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, kryer në formën e deklarimit të rreme.

Hetimet nisën në vitin 2021.

Po kështu, SPAK bën me dije se u dërgua për gjykim edhe kërkesa për konfiskimin e 7 pasurive të të pandehurit Guxim Zenelaj:

1. Pasuria me numër. 674, Tokë në Porto Palermo, Himarë- Vlorë, me sipërfaqe 1000 m²;
2. Pasuri me numër 3/670-B9, bodrum me sipërfaqe 16 m2, në Ishull-Shëngjin Lezhë;
3. Pasuri me numër 3/670-B10, bodrum me sipërfaqe 15 m2, në Ishull-Shëngjin Lezhë;
4. Pasuri me numër 3/670-N1, njësi me sipërfaqe 218.06 m2, në Ishull-Shëngjin Lezhë;
5. Pasuri me numër 3/670+1-10, apartament me sipërfaqe 60.36 m2, në Ishull-Shëngjin Lezhë;
6. Pasuri me numër 3/670+1-18, apartament me sipërfaqe 67.35 m2, në Ishull-Shëngjin Lezhë;
7. Pasuri me numër 3/670+1-55, apartament me sipërfaqe 51.35 m2 në Ishull-Shëngjin Lezhë;