Deputeti i Partisë Demokratike, Gazment Bardhi ka reaguar publikisht pasi u përjashtua nga seanca e Kuvendit pas sherrit, që pati me kryeministrin Rama.
Ai tha se shqetësimi që ka ngritur sot në Kuvend është shumë serioz, ku sipas tij, të fortët dhe oligarkët që kanë lidhje me kryeministrin kanë ushtruar presion tek deputetët për të siguruar votat e mjaftueshme, që Ardian Dvorani të bëhet anëtar i Gjykatës Kushtetuese. Kryeministri Rama e quajti Bardhin një “palaço cirku” dhe kaq u desh që gjuha verbale e tyre të dalë nga kontrolli.
Postimi i Bardhit:
Shqetësimi që ngrita sot në Parlament është shume serioz. Dhe për shkak se është i vertetë kjo solli shpërfytyrimin e Kryeministrit, i cili prej denoncimit që bëra, kaloi ne një gjendje rrobotike, ku vetëm nxirrte fyerje teksa hapte e mbyllte shishen e ujit pavetëdijshëm.Fakti është se oligarket e tij, dhe të fortet që ka nën hyqem, kane tentuar fillimisht të joshin, më pas të shantazhojne deputetë e deputete për të siguruar vota për të derguar Dvoranin në Kushtetuese. Kjo është shumë e rendë. Tregon gjendjen e shtetit dhe demokracisë kur po hyjmë në vitin e 10 të qeverisjes së Ramës.
