Një aksident ka ndodhur pak më para në rrugën Korçë-Voskopojë. Policia bën me dije se një automjet tip “Audi”, me drejtues shtetasin B. L., është përplasur me një motomjet me drejtues shtetasin M. S.
Si pasojë e përplasjes, është aksidentuar këmbësorja V. Xh., rreth 48 vjeçe, banuese në Korçë.
Ajo u dërgua në spitalin e Korçës, ku ndodhet jashtë rrezikut për jetën.
“Gjithashtu sot rreth orës 10:43, në rrugën Korçë-Voskopojë, një automjet tip “Audi”, me drejtues shtetasin B. L., është përplasur me një motomjet tip “Lifan”, me drejtues shtetasin M. S. Si pasojë e përplasjes, është aksidentuar këmbësorja V. Xh., rreth 48 vjeçe, banuese në Korçë, e cila u dërgua në spitalin e Korçës, ku ndodhet jashtë rrezikut për jetën”, njofton policia.
Me drejtuesit e automjeteve po kryen veprimet e mëtejshme procedurale.
