Kreu i grupit parlamentar të Partisë demokratike, Enkelejd Alibeaj është përplasur me Kryetaren e Kuvendit Lindita Nikolla, gjatë seancës së sotme parlamentare.
Alibeaj i është drejtuar Nikollës, duke i thënë që nuk është ajo e cila përcakton kush është në grupin parlamentar të PD, dhe kush jo, ndërsa shtoi se çdo deputet ka të drejtë nëse bën kërkesë për dokumentacion, për shpjegime juridike jeni e detyruar t’i jepet.
Nga ana tjetër Nikolla iu kthye duke i thënë që nuk ka nevojë për lejen e tij pasi ka përgjegjësinë e vetë të cilën e respekton.
Alibeaj: Nuk jeni ju e ulur se kush e përcaktoni se kush është grup parlamentar e se kush bën pjesë. Ju duhet të jepni shpjegime ligjore. Këtu apo në gjykatë. Këtë kërkesë kam dhe unë, jepini cdo deputeti dokumentet e prezantuara nga PD. Nuk kemi rënë dakord për rendin e ditës, ju e dini se si është votuar në Konferencë të Kryetarëve. Rregullorja e kërkon që ti jepet koha deputetëve. E fundit, në mënyrë sistematike kemi ngritur projektligjet e depozituara nga deputetët, duhet të merren parasysh.
Nikolla: Nuk kam nevojë për lejen tënde për të dhënë dokumentacionin. Ishte e pavend kjo ndërhyrje, Alibeaj.
