Detaje të reja janë zbuluar nga vrasja e biznesmenit Edmond Papa, nga një person ende i paidentifikuar.
Mësohet se autori ka hyrë i vetëm në lokalin në zonën e Selitës në Tiranë, ku viktima po pinte kafen e pasdites, e në momentin që shënjestra e ka pikasur, ka vendosur ta qëllojë me çfarë të mundte.
Në momentin e atentatit, viktima e ka pikasur autorin dhe ka tentuar t’i përgjigjet me mjete rrethanore që i gjendeshin te tavolina ku ishte ulur. Sipas dëshmitarëve Papa e ka qëlluar me tavëll por kjo nuk e ka penguar autorin të zbrazë breshëri plumbash ndaj tij.
Pasi ka qëlluar me plumba pistolete 9 herë, autori menjëherë është larguar nga vendi i ngjarjes po në këmbë.
Ka dyshime se është ndihmuar nga persona të tjerë për t’u larguar, por akoma nuk ka asnjë të dyshuar.
