Një protestë është zhvilluar këtë të premte përballë ambasadës serbe në Tiranë dhe më pas qytetarët janë zhvendosur drejt Kryeministrisë.
Me flamuj dhe simbole kombëtare në duar, qytetarët kanë kërkuar nga autoritetet diplomatike serbe që Beogradi të heq dorë nga përpjekjet për të dërguar trupat ushtarake në veri të Kosovës.
Pas protestës përpara ambasadës, qytetarët janë zhvendosur përpara Kryeministrisë, ku kanë protestuar kundër kryeministrit Rama dhe nismës së tij dhe Vuçiç për “Ballkanin e Hapur”.
“Nuk mund të ketë forca serbe në veri të Mitrovicës. Ramoviç mos bë anashkalime të tilla! Hiq dorë nga Ballkani i Hapur”, deklaroi një nga protestuesit.
