Kandidati i PD-së për Bashkinë e Tiranës Belind Këlliçi ka shpërndarë një video teksa ka qëndruar me banorët e pallatit në rrugën “Myslym Keta” në zonën e Kombinatit në Tiranë.
Këlliçi thotë se banorët kanë kaluar natën jashtë pasi Policia dhe Bashkia e Tiranës kanë filluar t’ju ndërpresin energjinë dhe ujin e pijshëm.
“Me banorët e pallateve te Myslym Keta, të cilët po kalojnë natën nën terrorin e Policisë dhe mercenarëve të Bashkisë Tiranë, që vijojnë të presin ujin e pijshëm në çdo familje. Ky akt barbar, kjo sjellje banditeske nuk i bëhet askujt mbi dhe, e jo më banorëve të kryeqytetit. Erion Veliaj hajde këtu dhe sqaro banorët ballë për ballë”, shkruan Këlliçi.
Banorëve u është kërkuar të dalin nga banesat e tyre me pretendimin se pallati duhet të shembet pasi është dëmtuar nga tërmeti i vitit 2019.
