Kreu i Partisë së Lirisë, Ilir Meta, ka zhvilluar mbrëmjen e sotme një Konferencë Studentore, kuka folur mbi situatën politike në vend, dhe arsimin.
Meta tha se qeveria nuk ka arsimin si kryeprioritet, por oligarkët dhe PPP, teksa ka theksuar se fondet e qeverisë shkojnë për rrugët që nuk bëhen kurrë.
Meta: “Si mundet të mos dëgjohet zëri juaj. Ç’është ajo mendje e marrë që mendon se do të zbehë zërin tuaj e do të trembë shpirtin tuaj, se do të kufizojë ëndrrat tuaja dhe do ju bëjë të mundoheni duke punuar që të vijoni studimet e të humbni kohë për t’iu përkushtuar dijeve.
Ç’është ajo mendje e marrë që mendon se duke mos mbështetur pedagogë e Universitet do të arrijë të demoralizojë të rinjtë, të kërrusi pedagogët që kanë nevojë për mbështetje që të bëjnë me përkushtimin e cilësinë e duhur punën e tyre?
Ky është një shtet i papërgjegjshëm se ka një qeveri të tillë. Bordi i FMN dha alarmin për PPP, për koncesionet që nuk janë më nën kontrollin e askujt për qindra milion e miliard euro që janë taksat që paguajnë prindërit tuaj që shkojnë dëm. Sa është vlera e gjithë tarifave që paguajnë studentët sot?
Sa një kilometër e gjysmë rrugë sot.
PL dëgjon shqetësimin tuaj dhe të prindërve tuaj, ndaj PL e ka vendosur arsimin si kryeprioritet, si çështjen e parë që duhet vendosur sot e në të ardhmen kur diskutohet për buxhetin e shtetit.
Për qeverinë sot prioritet janë oligarkët ndaj fondet shkojnë për oligarkët dhe rrugët që nuk bëhen kurrë.
Nuk ka dështim më të madh për një të ri kur nuk arrin të gjej një vend pune për formimin që ai dhe familja kanë investuar.
Është vënë në pikëpyetje e ardhmja e universiteteve, 40 përqind ka pësuar ulje numri i studentëve në Universitetin Bujqësor.
Gjermanishten mësojeni por jo për të ikur nga vendi se atje mund të gjeni gjithçka, veç Atdheut dhe prindërve”.
