Kryeministri Edi Rama ka kërkuar që të ndalen lajmet se mes tij dhe Yuri Kim ka një krisje të marrëdhënieve pasi ditë më parë Ministria e Jshtme ka dalë jashtë kopetencave të saj duke njoftuar se kanë nisur procedurat për zëvendësimin e ambasadores amerikane.
Kreu i qeverisë gjithashtu shprehu dakordësi të plotë me deklaratat e saj për një përzgjedhje të drejtë të kreut të SPAK.
“Jam plotësisht dakord me ambasadën amerikane dhe boll me thashethemet e katundit politik e mediatik! Kreun e SPAK s’e zgjedh as qeveria, as foltorjavulorjafallgjorja, as ambasada jo e jo, po një institucion i quajtur Këshilli i Lartë i Prokurorisë, që varet vetëm nga anëtarët e vet! Prandaj anëtarët e KLP të mos dëgjojnë askënd përveç kandidatëve,të mos lexojnë asgjë përveç biografisë profesionale të kandidatëve, të mos influencohen nga askush përveçse nga profili e perfomanca e kandidatëve! Ata japin llogari vetëm para pasqyrës së tyre dhe askujt tjetër”, shkruan Rama në Twitter.
Ambasadorja e SHBA, Yuri Kim iu përgjigj diskutimit lidhur me mandatin e saj, duke theksuar se do të jetë ‘edhe ca më gjatë në Shqipëri’. Në konferencën “Drejt ekselencës gjyqësore”, Kim u shpreh se shqiptarë po i ndiejnë rezultatet e reformës në drejtësi, por inkurajoi për më shumë. Sipas ambasadores, me gjithë progresin e arritur, nuk është koha për të thënë ‘mjaft’ dhe për të pushuar, por për të punuar më shumë.
Ditët e fundit flitet gjegjësisht në media se mes Kim dhe Ramës krisja ka ardhur pasi palët kanë preferenca të ndryshme lidhur me kreun e ri të SPAK.
