Kryeministri Edi Rama pas mbledhjes me drejtuesit politikë të qarqeve, ka folur në lidhje me tensionet e krijuara në Veri të Kosovës.
Rama tha se nuk ka pasur komunikim me Presidentin e Serbisë Aleksandër Vuçiç.
I pyetur nëse Shqipëria do ta ndihmojë Kosovën me forca ushtarake, Rama tha se nuk do të jetë e nevojshme.
Pjesë nga biseda:
Gazetarët: Keni pasur ndonjë komunikim me Presidentin e Serbisë në lidhje me situatën në Veri të Kosovës?
Edi Rama: Jo.
Gazetarët: A do ta ndihmojë Shqipëria Kosovën me forca policore?
Edi Rama: Për çfarë arsye do ta ndihmojë Shqipëria Kosovën me forca policore dhe për çfarë arsye, Kosova që është një shtet Sovran e demokratik duhet të ketë në territorin e saj forca policore të një tjetër shtetit në territor, që është një territor, integritetin e të cilit e mbron një bashkësi e tërë ndërkombëtare.
