Tirana pret në “Air Albania” Kastriotin, sfidë e vlefshme për javën e 13-të të Kategorisë Superiore. Bardheblutë e kanë mbyllur pjesën e parë.në avantazh 3-0.
Golin e parë e realizon Xhixha në të 14-n. Sulmuesi shënon pasi humb penalltinë, por topi i kthehet përsëri nga Deliu dhe ai e shtyn në portën e boshatisur.
Në minutën e 36-të, Kallaku ia del të gjejë hapësirën nga e majta për të shënuar dhe dyfishuar shifrat, ndërsa në fundin e pjesës së parë, Xhixha gjuan brenda zonës, topi devijohet dhe kthehet në asist për Patrik i cili nuk gabon duke mposhtur Salin.