Emiliano Çela nuk është më trajner i Kastriotit. Lajmi është dhënë nga vetë tekniku, pas humbjes 4-0 nga Tirana.
“Nuk dua të ndaloj shumë të ndeshja dhe është patjetër përgjegjësia ime për humbjen. Më rëndoi shumë analiza taktike teknike e ekipit. Vij këtu me një lajm shumë të rëndësishëm. Unë jam takuar me drejtuesit dhe lojtarët, pasi kam dhënë dorëheqjen time. Kjo nuk vjen prej emocioneve të ndeshjes. Kam më shumë se 1 vit këtu dhe kam kaluar shumë mirë, i falenderoi të gjithë, por për arsyet personale më vjen shumë keq dhe duhet të largohem. Unë i uroj shumë suksese ekipit, është i mirëformuar dhe i uroj shumë suksese kujdo që do të vijë. Faleminderit”- Tha ai.
37-vjeçari është në krye të kësaj skuadre prej 35 ndeshjesh, me ekipin nën drejtimin e tij që ka marrë 1.54 pikë për ndeshje. Krutanët tashëm janë në kërkim të një tekniku të ri, ku synohet qëndrimi në elitë.