Një 36-vjeçar me iniciale A.K. aksidentoi shtetasin A. V., 30 vjeç në zonën industriale në Pogradec mbrëmjen e djeshme dhe u largua nga vendngjarja duke drejtuar automjetin tip “Benz”.
Policia e Pogradecit ka arrestuar shoferin që shkaktoi aksidentin, ndërsa i plagosuri ndodhet në spital, nën kujdesin e mjekëve.
Njoftimi i policisë:
Në vijim të informacionit paraprak të dhënë mbrëmjen e djeshme, për një aksident rrugor, ju informojmë se:
Specialistët e Trafikut Urban dhe Interurban të DVP Korçë arrestuan në flagrancë shtetasin A. K., 36 vjeç, banues në Pogradec, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”, pasi duke drejtuar automjetin tip “Benz”, në zonën industriale në Pogradec, aksidentoi shtetasin A. V., 30 vjeç, banues në Pogradec, që udhëtonte me biçikletë, i cili ndodhet në spital, nën kujdesin e mjekëve. 36-vjeçari u largua nga vendngjarja, por më pas u ndalua nga shërbimet e Policisë.
