Shirat e dendur në 24 orët e fundit, del nga shtrati i lumit Ishëm, përmbyten qindra hektarë toke bujqësore dhe izolohen disa familje në Krujë
Reshjet e dendura të shiut që kanë rënë në vend në 24 orët e fundit kanë bërë që niveli I lumit Ishëm të rritet ndjeshëm dhe për pasojë ky lum ka dalë nga shtrati në pjesën fundore të fshatit Murqinë, Mallkuç e Bilaj.
Dalja nga shtrati e Ishmit ka bërë që të përmbyten qindra hektarë tokë bujqësore. Gjithashtu kanë mbetur të izoluara disa familje në fshatin Murqinë, të cilat izolohen sa herë ka shi si pasojë e përmbytjes së rrugës që lidh lagjen e tyre me pjesën tjetër të vendit.
Kjo është hera e dytë brenda një harku kohor prej 20 ditësh që me qindra hektarë tokë përmbyten në këtë zonë të Fushë-Krujës.
