Dy sfidat e para çerekfinalem, të cilat shkuan deri te penalltitë dhuruan dje emocion dhe surpriza, teksa Kroacia e Luka Modriç dërgoi në shtëpi Brazilin e Neymar që mbante statusin e pretendetit për ta fituar Kupën e Botës Katar 2022.
Edhe sfida Holandë-Argjentinë nuk la asgjë mangut, teksa “Tulipanët” dhuruan shoë me barazimin e realizuar në minutën 101 të ndeshjes, por më pas “ruleta ruse” e penalltive çoi në gjysmëfinale Leo Messi-n me shokë.
Sakaq ditën e sotme do të luhen dy ndeshjet e fundit çerekfinale, për të zbuluar dy ekipet që do të luajnë për një vend në finale e 18 dhjetorit.
“Luanët” e Atlasit me Ashraf Hakimin dhe Hakim Ziech në fushë do do të përballen në orën 16:00 me Portugalinë e Cristiano Ronaldos, i cili me shumë mundësi do ta nisë ndeshjen nga stoli përsëri.
Nuk do të jetë përballje e lehtë për Portugalinë, pasi Maroku duket se ka besim në vetvete dhe një shpirt luftarak që e ka treguar deri në fund të çdo sfide, teksa doli i pari në një grup ferri me Kroacinë dhe Belgjikën.
Por, Portugalia me yjet që ka në ekip mbetet ende favorite për të fituar këtë sfidë.
Ndeshja e mbrëmjes, ajo e orës 20:00, do të jetë mes Anglisë dhe Francës duke përcjellë emocionet e një finaleje të parakohshme.
Përplasje titanësh, ndeshje e fortë, spektakël, emocione, raste, lot dhe gëzim do të shihen sot në këtë ndeshje të jashtëzakonshme.
“Gjelat” e Deshamps mund të kuotohen disi më lart si favoritë, por “Tre Luanët” e Southgate me përbërjen cilësore që kanë padyshim mund të jenë një ndër ekipet e vetme që mund të dërgojnë në shtëpi Mbapen me shokë.
