Dy persona janë arrestuar dhe një tjetër është proceduar penalisht pasi akuzohen për vepra të ndryshme penale.
Policia e Elbasanit ka arrestuar shtetasin L. T., 28 vjeç, pasi u kap duke drejtuar automjetin, pa leje drejtimi, si dhe shtetasin S. Ll., 61 vjeç, pasi ka ushtruar dhunë psikologjike ndaj bashkëshortes së tij.
Ndërsa është proceduar në gjendje të lirë shtetasi Ç., 59 vjeç, banues në Gramsh, pasi u konstatua nga shërbimet duke kryer punime ndërtimi, pa leje, në biznesin e tij.
Njoftimi i policisë:
Elbasan/Vihen në pranga 2 shtetas dhe procedohet në gjendje të lirë 1 tjetër, për vepra të ndryshme penale.
Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin S. Ll., 61 vjeç, banues në Elbasan, pasi ka ushtruar dhunë psikologjike ndaj bashkëshortes së tij, e cila ishte e pajisur me urdhër mbrojtjeje.
Specialistët e Qarkullimit Rrugor arrestuan në flagrancë shtetasin L. T., 28 vjeç, banues në fshatin Gjyralë, Cërrik, pasi u kap nga shërbimet e Policisë, duke drejtuar automjetin, pa leje drejtimi.
Specialistët për Hetimin e Krimeve të Komisariatit të Policisë Gramsh referuan materialet në Prokurori dhe nisi procedimi penal për shtetasin E. Ç., 59 vjeç, banues në Gramsh, pasi u konstatua nga shërbimet duke kryer punime ndërtimi, pa leje, në biznesin e tij (lavazh).
Materialet procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
