Kryetari i Partisë Demokratike, Sali Berisha pritet të japë sot dëshminë e tij në polici në lidhje me incidentin që ndodhi në protestën e djeshme.
Ndërkohë burime bëjnë me dije se mbrëmjen e djeshme janë shoqëruar në polici dy truprojat e ish-kryeministrit për të dhënë dëshminë e tyre në lidhje me ngjarjen.
Kujtojmë se, Berisha u godit me grusht në fytyrë, dje në bulevardin Dëshmorët e Kombit, ku po mbahej protesta e thirrur nga opozita.
Autori është Gert Shehu, i cili aktualisht ndodhet te spitali i Traumës nën masa të rrepta sigurie.
