Presidentja e Kosovës Vjosa Osmani në një konferencë u pyet nga gazetarët lidhur me presionin që i është ushtruar Serbisë për ndarjen e saj nga Rusia.
Ajo tha se Serbia me veprimet e saj po dëshmon çdo ditë se destinacioni i saj kryesor nuk është Evropa, por Rusia. Sipas saj, në një kohë kur vendet e tjera i kanë vendosur sanksione Rusisë, Serbia ka bërë pikërisht të kundërtën duke mirëpritur oligarkët e saj.
“Nga BE ka pasur shumë pak presion nga se do të duhej të kishte në një shtet që hapur thotë se është shteti më së paku evropian nga të gjithë që marrin pjesë këtu dhe më së shumti Rus. Zgjedhja e Serbisë nuk është Europa por është Moska, është Putini, nuk di ku mund të shkojë më qartë. Vendet e tjera kanë zgjedhur sanksionet ndaj Rusisë, Serbia jo, ka zgjedhur të mirëpres oligark të Rusisë, ka vendosur të nënshkruajë marrëveshje të reja me gazprom, për të afruar politikën e jashtme me Rusinë. Serbia e ka zgjedhur rrugën ndaj dhe mesazhi i BE presim të jetë më i qartë në aspektin e veprimeve që ndërmerren”, tha Osmani.
