“Kortezhi i dhimbjes shqiptare” ka qënë momenti më drithërues i protestës që po mban ditën e sotme opozita në bulevardin “Dëshmorët e Kombit”, ndërkohë që pak më tutje po mbahet samiti BE-Ballkani Perëndimor.
Ashtu sikurse protestën e kaluar të opozitës, edhe sot është nxjerrë sërish gomonia si një simbol i largimit të shqiptarëve nga vendi i tyre.
Mesazhi i interpretuar me tinguj vaji i nënave të veshura me të zeza për bijtë e tyre të humbur ka rrëqethur gjithë të pranishmit.
“Ju lutem, sot ndërpriteni këngën! Kënga do të këndohet live!” – thirri në podium, solistja kryesore, për të nisur me vargjet: “Ëndërrove bir, të ishe shpend mali…!”
