Nga Pashk Ndoci
Ai që nuk kontribuon në bashkim të demokratëve, i ka “shitur” zgjedhjet 2023 njësoj si në vitin 2019!
1.”Kam bërë mirë që u perfshiva në zgjedhje”.
Primaret e zhvilluara në Lezhë ishin zgjedhje e demokratëve për kandidatët brënda një pjese të Partisë Demokratike me sistemin Primare Amerikane të adaptuara me modelin allashqiptar. Si të atilla zgjedhje që vijnë ndryshe nga herat e tjera dhe ndryshe nga perzgjedhjet e deritanishme politike, unë i konsiderova si një gjë e mirë në politiken shqiptare, ishin zgjedhje brenda antarësisë së Partisë Demokratike edhe se jo e plotë, nuk ishin zgjedhje të jashtëligjshme dhe jostatutore derisa sot gjallëria e levizjes së demokratëve është ajo e drejtuar nga Sali Berisha dhe pjesa tjeter që mban vulen dhe siglen firmosin per rrogat e administrates që drejton Sali Berisha, por janë edhe brenda statutit të tyre edhe se nuk kanë një veprimtari të tyren të atillë që të dëshmojnë se ata duan dhe dijnë të bëjnë gjënë e duhur për demokratët, por mbështeten paksa në primaret e vitit 2021. Nuk mjaftojnë fjalët e hedhura ketu atje se demokratët po depozitohen tek Partia Lirisë(LSI), duhet që ti të mos i braktisësh, të reshtesh pa nderprerje që ti bindish ata që të rrinë tek partia e tyre, tek sigla e tyre, të organizohesh dhe të japish alternativë për njerëzit e stërzhgënjyer, të bësh zgjedhje dhe populizma që të bindish njerëzit se ti je ndryshimi. Keto nuk po ndodhin tek Partia Demokratike zyrtare e Zotit Alibeaj megjithë respektin që kam për atë, as nga Zoti Basha që ka zgjedhur politiken e tij duke heshtur perballë akuzave dhe duke mos ndezur ndonjë shkëndijë që të duket një dritë në fundin e tunelit me errësirë. Edi Rama dhe Partia Socialiste janë në të drejten e tyre që të luftojnë të qëndrojnë në pushtet edhe se po përdorin metoda të pista të minimit të demokracisë duke mbajtur me gjykata opozitën të përçarë, janë në të drejten e tyre që të qëndrojnë në pushtet si e keqja më e vogel e konsideruar nga Shtetet Bashkuara të Amerikes.
Ndërsa aty kandidonin miq të mij demokrat ndër vite Pashk Gjoni, Salvador Kaçaj…, duhej që të mos ndahesha prej tyre, duhej që kjo të ndodhte në të gjithë Shqipërinë, aty ku kishte potenciale të mundshme për të fituar bashkinë, patjeter që duhej të përfshiheshin në kandidime që të luanin një rol përbashkues të demokratëve, aty ku nuk dëshirohej përbashkimi, le të tërhiqeshin nga gara për ti hapur rrugë një procesi tjetër përbashkues dhe jo të mbanin demokratët në polposition me palën tjetër.
SOT ËSHTË ZHVILLUAR NJË PROCES PRIMARE ZGJEDHJE E NJË KANDIDATI QË I PERKET OPOZITES, EDHE SE KY KANDIDAT VJEN NGA ISH FOLTORJA. Pra opozita tashmë e ka një kandidat.
2.”Kam bërë shumë mirë që u largova nga gara”.
Kjo garë kishte vetëm emrin Primare, ishte e njëjta gjë me ato të mbajtura nga Lulzim Basha në vitin 2021. Nuk kishte kandidat jashtë grupimit të ish foltores, opozita ishte e përfshirë, por nuk kishte kandidat të sajin dhe nuk kishin të drejtë të votonin në Primare, pra ishte lëvizje vetëm e një pjese të Partisë Demokratike, pak rëndësi ka nëse është shumica ajo. Nuk kishte kandidat nga shoqëria civile apo nga biznesi, nuk kishin të drejtë të votonin dhe përfshiheshin derisa nuk kishin perfaqësuesin e tyre, pra ky proces ishte vetem i një pjese të PD.
Kishte kandidat që ka qënë kritik i levizjeve të foltores, isha unë i vetmi në garen e Lezhës dhe fatkeqësisht isha i vetmi në të gjithë Shqipërinë si kandidat pa marrveshje paraprake me pazare politike të pranueshme në politikën tonë. Kam kërkuar me këmbëngulje që të përfshiheshin demokratet të cilet nuk bëjnë pjesë në PD e drejtuar nga zoti Berisha, parimisht të gjithë kanë rënë dakort disa ishin shumë skeptik, por në fakt shumë pak u perfshinë në procesin e zgjedhjeve të Partisë Demokratike të këtyre Primareve. Nga ana tjetër pala që organizonte këto zgjedhje në asnjë rast nuk u tregua E DREJTË, E BARABARTË, E NDERËSHME ME KANDIDATIN PASHK NDOCI I CILI NUK VINTE NGA ish FOLTORJA.
Udhëzimi i mbështetur në statutin e tyre përmbante një proces me debat para antarësisë. E kam kerkuar me forcë, kryesia e partisë nuk gjeti konsensus me kandidatët që të dilnim së bashku sipas modelit Amerikan, por edhe kandidatët humbës nuk u përfshinë në ketë inisiativë timen, perkundrazi u pajtuan që të dilnin si në takime qokash të modelit të vjeter edhe se ishte në dëm të tyre.
Nuk kishte lista antarësie që të viheshin në dispozicion të kandidatit që vinte nga jashtë foltores, si një akses i domosdoshem i barabartë.
Nuk kishte proces të barabartë të regjistrimit të simpatizantëve. Unë që vija nga jashtë foltores kam marr 50 formular antarësimi, kur sipas informacioneve të besueshme Zoti Kaçaj kishte marr 650 formular nga dega PD dhe jashtë saj, Kola 550 formular, Mataj 250 formular, këto perveç rreth 1000 formularëve të shpërndarë nga dega e PD në strukturat e saj të dala nga procesi i foltores. Në dukje kjo është PABARAZI, PADREJTËSI DHE PANDERSHMËRI ndaj kandidatit Pashk Ndoci, por në fakt është çmenduri të marrish pjesë në një proces të atillë. E megjithatë unë prapë isha pjesë e kesaj çmendurie për të qënë pjesë, sepse lidhja ime me demokratët dhe me njerëzit është një kohezion i fortë, adeziv 30 vjeçar që më bënte të isha në garë për të marr voten e tyre.
Në çmendurinë e këtij procesi u perfshinë aktor kryesor të administrates së bashkisë dhe të strukturave të Partisë Socialiste duke regjistruar anëtar të kësaj partie për të votuar më të pamundurin të ishte kandidati i opozites përballë kandidatit të PS. Ata janë në të drejtën e tyre për të bërë këtë diversion të panderëshem, por unë nuk mund të bija dakort me Sali Berishen që nuk pranoj të pastrohen listat prej antarëve të PS, kjo e konfirmuar me mosdhënie pergjigje kërkesës time, por pranimin e saj për dorheqje nga gara në se nuk pastroheshin listat. PARTIA DEMOKRATIKE NUK ISHTE E GATSHME TË PRANONTE NË GARË QOFTË EDHE NJË KANDIDAT TË VETËM QË NUK VINTE NGA ISH FOLTORJA, prandaj unë kam bërë shumë mirë që jam larguar. Kam bërë shumë mirë që jam larguar edhe sepse dy PASHK në atë garë ishin shumë, ose njëri ose tjetri…
Këto zgjedhje kanë prodhuar një kandidat që unë i uroj me gjithë zemer të jetë kandidat i gjithë opozitës, të jetë kandidat i vetëm dhe të jetë fitues i zgjedhjeve 14 Maj 2023. Për këtë duhet një punë e madhe, duhet që opozita të mos kandidojë një tjetër kandidat dhe që kjo të mos ndodhë duhet që të gjendet rruga e përfshirjes së opozites tjetër, e perfshirjes edhe të shoqërisë civile, por e përfshirjes time si një kandidat i mundshëm i ngelur në ajër me një program ambicioz për të ndryshuar gjithçka nga drejtimi aktual i bashkisë Lezhë. Jemi me një kandidat fitues që një pjesë e opozites e ka zgjedhur, tani procesi i opozites së bashkuar ka nisur për të patur një kandidat të vetëm, mirpres çdo bashkpunim për të patur një kandidat të vetëm, pa asnjë kusht pazari personal, unë si kandidat ose duhet të jemë i perfshirë nëpërmes programit tim ose në garë për të vënë në jetë programin tim “Lezha Ndryshe 2023”.
