Samiti/ Liderët e Ballkanit Perëndimor vijnë të parët, mbi 1500 policë në gatishmëri

Në kuadër të masave për mbarëvajtjen e sigurisë në kryeqytet do të bllokohen plotësisht disa rrugë dhe do vendoset një perimetër sigurie që nis aktivizimin sot (5 dhjetor) në orën 14:00. Ky perimetër do të mbahet deri në përfundimin e samitit dhe largimin e të gjitha personaliteteve nga vendi ynë.

Gjithashtu në këto segmente nuk do të lejohet parkimi i mjeteve, për këtë arsye janë njoftuar të gjithë banorët e zonës të mos parkojnë mjetet dhe për mjetet qe nuk janë larguar do të bëhet spostimi me mjete ngritës nga Policia Bashkiake dhe Policia e Shtetit.

Për motive sigurie do kete bllokime dhe devijime trafiku ne disa rruge inteurbane dhe urbane të kryeqytetit duke nisur nga ora 06:00 e dates 06.12.2022 e deri ne oren 18:00 të datës 06.12.2022.

Për mjetet e emergjencave mjekesorë dhe emergjencave civile nuk do të ketë pengesa, përvec kontrolleve policore në perimetrin e sigurisë do të jenë të kontrolluara nga punonjësit e policisë.

Bllokimi i trafikut dhe devijimi në autostradat dhe rrugët interurbane që të cojnë drejt Tiranës, do të fillojë në orën 07:00, ndërsa në qytet në perimetrin e sigurise duke filluar nga ora 06:00 dhe në rruget e tjera qe perfshihen ne itenerarin e levizjeve ne oren 08:00.

Çdo lëvizje e domosdoshme me mjet sugjerohet të bëhet përpara këtij orari dhe të evitohen levizjet ne rruget qe do shoqerohen me bllokime dhe devijime per motive sigurie.

-Drejtuesit e mjeteve që vijnë nga Veriu me destinacion aeroportin e Rinasit rrugëkalimi do të bëhet nga Fushë Prezë – Rinas

-Drejtuesit e mjeteve që vijnë nga Durrësi me destinacion aeroportin e Rinasit rrugëkalimi do të bëhet nga Vora- Rruga e Vjetër e Fushë Krujës

-Drejtuesit e mjeteve që vijnë nga Juglindja me destinacion aeroportin e Rinasit rrugëkalimi do të bëhet nga Elbasani – rrethrrotullimi Tegut- Unaza Lindore-Paskuqan -Kamëz- Kryqëzimi Valiasit- Rinas

– Për të gjitha emergjencat mjekesore qe vijne nga Veriu dhe jugu gjate kohes se bllokimit të trafikut për ne drejtim të spitalit të Traumes, të ndjekin rruget alternative nga Paskuqani-Azem Galica-Shinat e Trenit-Spitali i Traumes dhe nga rruga e Shkodres-Petrit Radovicka-Gjergj Legisi-Lord Bajron-Spitali i Traumes.

-Për të gjitha emergjencat mjekësore në drejtim të QSUT dhe Spitalit Shefqet Ndroqi, të ndjekin unazen lindore kur vijne nga jug lindja per të vijuar nga Shkoza-Kryegjyshata boterore-Farke-Sanatorium dhe Kodra e Priftit QSUT.

Rrugët që do të bllokohen:

-“Bulevardi “Dëshmorët e Kombit”, nga ura e Dajtit deri te Sheshi “Nënë Tereza”;

-Bulevardi “Bajram Curri” nga kryqëzimi me rrugën e “Elbasanit” deri te kryqëzimi me rrugën “Ibrahim Rugova”;

-Rruga “Papa Gjon Pali II” nga ETC-RTSH-Stadium;

-Rruga “Dervish Hima”;

-Rruga “Asim Zeneli”;

-Rruga “Themistokli Gërmenji”, pranë rrugës së Elbasanit dhe te kryqëzimi afër rrugës “Papa Gjon Pali II”;

-Rruga “Ismail Qemali”, nga kryqëzimi i Liceut deri te rruga e “Elbasanit”.

-Rruga “Mustafa Matohiti”, pranë shkollës “Kosova”;

-Rruga “Jul Variboba”, pranë postës, në rrugën e Elbasanit dhe rrugën “Papa Gjon Pali II”;

-Rruga “Fatmir Haxhiu”, te ETC;

-Rruga “Lekë Dukagjini”, nga sheshi “Frederik Shopen”, deri te stadiumi “Air Albania” dhe përreth stadiumit; Rruga “Skerdilajd Llagami” dhe rruga “Faik Konica”.”

Ndalim të qarkullimit të automjeteve do të ketë edhe në aksin rrugor;

-“Rinas – Mbikalimi i Kasharit – Autostrada “Durrës – Tiranë” – Ish-sheshi “Shqiponja” – Unaza e Tiranës – Rrethrrotullimi i Saukut – Rrethrrotullimi pranë Akademisë së Policisë – Pallati i Brigadave – Rrethrrotullimi i qytetit “Studenti”, deri tek kryqëzimi me bulevardin “Bajram Curri”.

Kufizime të qarkullimit të automjeteve të tonazhit të rëndë, do të ketë në aksin rrugor

-“Shkodër – Lezhë – Milot – Thumanë – Fushë Krujë – Vorë”.