Muhamet Rrumbullaku deklaroi këtë të Shtunë se protesta e opozitës nuk mund të zhvillohet brenda perimetrit të sigurisë të vendosur nga policia për 6 Dhjetorin, kur zhvillohet edhe Samiti BE-Tiranë.
Gjatë një konference për mediat këtë të Shtunë, Drejtori i Përgjithshëm i Policisë së Shtetit, paralajmëroi se “jemi të përgatitur për çdo rast kur do të ndodhë e kundërta”.
“Policia e Shtetit nuk ka patur dhe nuk do të ketë asnjë prirje për të ndaluar apo spostuar asnjë protestë, por në këtë rast, siguria e 32 delegacioneve shtetërore me liderët e tyre nga BE dhe Ballkani Perëndimor, e delegacionit të Presidentit të Këshillit, e Presidentes së Komisionit dhe e të gjithë personaliteteve VIP të kategorisë së autoriteteve të larta shtetërore, na imponon që të vëmë sigurinë kombëtare dhe ndërkombëtare mbi dëshirën gjeografike për të protestuar. Policia e Shtetit nuk e ndalon absolutisht protestën e lajmëruar, por garanton mbarëvajtjen e saj jashtë perimetrit të sigurisë, pasi Perimetri i Sigurisë është i pacënueshëm dhe i aksesueshëm vetëm nga pjesëmarrësit në Samit dhe nga gazetarët e akredituar. Ne kemi besim se arsyeja do të fitojë mbi emocionet e kujtdo dhe jemi të përgatitur për çdo rast kur do të ndodhë e kundërta”, tha ai.
Kufiri te “Lana”
Rrumbullaku risolli në vëmendje edhe rrugët që sipas tij do jetë të bllokuara nga policia më 6 Dhjetor, duke krijuar siç tha, “një perimetër sigurie”.
Pjesë e këtij perimetri është dhe Bulevardi “Dëshmorrët e Kombit” nga Sheshi “Nënë Tereza” te “Ura e Lanës”.
Por, Bulevardi “Dëshmorrët e Kombit” është pikërisht vendi i njoftuar nga opozita për zhvillimin e protestës së 6 Dhjetorit.
“Pavarësisht se strategjia ka përcaktuar Tiranën si qytetin e këtij samiti, nderi i Shqipërisë, i Tiranës, i yni, dinjiteti ynë kërkon që ne në datën 6 ora 12:00 të jemi në bulevardin ‘Dëshmorët e Kombit’. Protestat nuk kanë asgjë negative, përkundrazi me protestën tonë ne i shpëtojmë nderin, fytyrën, dinjitetin, Shqipërisë dhe shqiptarëve”, tha kryetari i PD, Sali Berisha një ditë më parë, gjatë një takimi me demokratë në Tiranë.
Perimetri i sgiurisë në bulevard, sipas planit të prezantuar nga policia, është nga “Sheshi Nënë Tereza” ku ndodhet Universiteti Politeknik i Tiranës, deri te “Ura e Lanës” pranë ish-Hotel Dajtit.
Në këtë mënyrë, policia detyron opozitën që protesta të zhvillohet pikërisht në hapësirën e mbetur të bulevardit me kufi me urën pranë ish-Hotel Dajtit, ndryshe nga protesta e fundit, ku tubimi u përqendrua në pjesën e bulevardit përballë kryeministrisë.
Muhamet Rrumbullaku deklaroi këtë të Shtunë se protesta e opozitës nuk mund të zhvillohet brenda perimetrit të sigurisë të vendosur nga policia për 6 Dhjetorin, kur zhvillohet edhe Samiti BE-Tiranë.
Gjatë një konference për mediat këtë të Shtunë, Drejtori i Përgjithshëm i Policisë së Shtetit, paralajmëroi se “jemi të përgatitur për çdo rast kur do të ndodhë e kundërta”.
“Policia e Shtetit nuk ka patur dhe nuk do të ketë asnjë prirje për të ndaluar apo spostuar asnjë protestë, por në këtë rast, siguria e 32 delegacioneve shtetërore me liderët e tyre nga BE dhe Ballkani Perëndimor, e delegacionit të Presidentit të Këshillit, e Presidentes së Komisionit dhe e të gjithë personaliteteve VIP të kategorisë së autoriteteve të larta shtetërore, na imponon që të vëmë sigurinë kombëtare dhe ndërkombëtare mbi dëshirën gjeografike për të protestuar. Policia e Shtetit nuk e ndalon absolutisht protestën e lajmëruar, por garanton mbarëvajtjen e saj jashtë perimetrit të sigurisë, pasi Perimetri i Sigurisë është i pacënueshëm dhe i aksesueshëm vetëm nga pjesëmarrësit në Samit dhe nga gazetarët e akredituar. Ne kemi besim se arsyeja do të fitojë mbi emocionet e kujtdo dhe jemi të përgatitur për çdo rast kur do të ndodhë e kundërta”, tha ai.
Kufiri te “Lana”
Rrumbullaku risolli në vëmendje edhe rrugët që sipas tij do jetë të bllokuara nga policia më 6 Dhjetor, duke krijuar siç tha, “një perimetër sigurie”.
Pjesë e këtij perimetri është dhe Bulevardi “Dëshmorrët e Kombit” nga Sheshi “Nënë Tereza” te “Ura e Lanës”.
Por, Bulevardi “Dëshmorrët e Kombit” është pikërisht vendi i njoftuar nga opozita për zhvillimin e protestës së 6 Dhjetorit.
“Pavarësisht se strategjia ka përcaktuar Tiranën si qytetin e këtij samiti, nderi i Shqipërisë, i Tiranës, i yni, dinjiteti ynë kërkon që ne në datën 6 ora 12:00 të jemi në bulevardin ‘Dëshmorët e Kombit’. Protestat nuk kanë asgjë negative, përkundrazi me protestën tonë ne i shpëtojmë nderin, fytyrën, dinjitetin, Shqipërisë dhe shqiptarëve”, tha kryetari i PD, Sali Berisha një ditë më parë, gjatë një takimi me demokratë në Tiranë.
Perimetri i sgiurisë në bulevard, sipas planit të prezantuar nga policia, është nga “Sheshi Nënë Tereza” ku ndodhet Universiteti Politeknik i Tiranës, deri te “Ura e Lanës” pranë ish-Hotel Dajtit.
Në këtë mënyrë, policia detyron opozitën që protesta të zhvillohet pikërisht në hapësirën e mbetur të bulevardit me kufi me urën pranë ish-Hotel Dajtit, ndryshe nga protesta e fundit, ku tubimi u përqendrua në pjesën e bulevardit përballë kryeministrisë.
