Analisti Fatos Lubonja komentoi Samitin e Komunitetit Politik Evropian të zhvilluar sot në Tiranë me pjesëmarrës pothuaj të gjithë liderët e kontinentit evropian.
Lubonja u shpreh disi skeptik për zhvillimin e këtij Samiti në Tiranë pak ditë pas zgjedhjeve të 11 majit.
“Burri botës ka 4 mandate dhe sa më shumë zullume aq më shumë fiton. Kjo skenografia i shërben legjitimimit të Edi Ramës. Në 2021 fill pas zgjedhjeve kishte ca manovra të NATO në Shqipërisë që të imponon vazhdimësinë e projektit të këtij. Dhe doli ambasadorja amerikane, pa dalë ODIHR përgëzoi fitoren. Si këto, që uruan fitoren. Ndërkohë që këtu krimi i organizuar po ngre kulla hapur. Këtu është narko-regjim dhe këta bëjnë sikur nuk shikojnë.”
Sipas Lubonjës, vendet e mëdha europiane e përdorin emrin e Shqipërisë edhe për deterrencë si në rastin e marrëveshjes për emigrantët me Italinë, ku lokacioni i Shqipërisë shërben edhe si dekurajim për të ardhur këtu.
“Këta e përdorin Shqipërinë si kazan plehërash. Duhet të çlirohemi nga kompleksi i ndërkombëtarëve, na erdhën ndërkombëtarët. Na përdorin si deterrencë. Na përdorin si komb. Turp i madh.”
Skenografinë e sotme me liderët europianë, Lubonja e sheh edhe si një mashtrim të politikës, për të legjitimuar sipas tij narko-shtetin.
