Mediat serbe e kanë cilësuar dhe kësaj here si provokim çdo simbol shqiptar që u shfaq në ndeshjen mes Zvicrës dhe Serbisë në Katar 2022.
Kësaj herë sipas serbëve prania e tifozëve shqiptarë në tribuna ka qenë provokim i hapur.
E përditshmja “Kurir” ka fotografuar në tribunat e stadiumit në Doha tifozë shqiptarë të cilët nuk ngurronin të tregonin me krenari prejardhjen e tyre.
Një grup, i shoqëruar nga vendas, pozuan duke bërë shqiponjën, ndërsa një prej tyre mbante në kokë një plis me flamurin kuqezi.
“Në tribunë kanë nisur provokimet” , shkruan portali i ”Kurir” duke iu referuar fotove në fjalë.
