Një plagosje me armë zjarri ka ndodhur gjatë orëve të para të mëngjesit në Durrës.
40-vjeçari i identifikuar si D.B. ka shkuar në spital për ndihmë mjeksore, pasi ishte plagosur.
Dyshohet se autori i plagosjes është G.P., 28 vjeç, i cili është shpallur në kërkim.
“Në orët e para të mëngjesit ka shkuar në spital për ndihmë mjeksore, i plagosur me armë zjarri në lagjen “Nr 17” Durrës, shtetasi D. B., 40 vjeç. Pas njoftimit të marrë, shërbimet e Policisë kanë shkuar menjëherë në vendngjarje dhe nga veprimet e shpejta hetimore paraprake të kryera ka rezultuar se 40 vjeçari D.B, dyshohet se është plagosur nga shtetasi G.P., 28 vjeç.”, njofton policia.
Grupi hetimor nën drejtimin e Prokurorisë së Rrethit Gjyqësor Durrës ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes.
