Kreu i Partisë Demokratike, Sali Berisha ka përcjellë një mesazh për biznesmenin arab të kompanisë EMAR, Mohamed Alabbar.
Gjatë një deklarate për mediat, Berisha i ka bërë thirrje Alabbarit që të mos bashkëpunojnë me Ramën dhe të tërhiqet nga ndërtimi i Portit të Durrësit, pasi sipas tij, kjo është afera më e madhe dhe grabitje e pronës publike.
“Kam një mesazh të rëndësishëm për Alabbar. I them që duhet të heqë dorë nga kjo aferë sepse shqiptarët nuk do ta pranojnë kurrë. Zotëri kjo është plaçkitja më e madhe që i bëhet popullit shqiptar në pronën publike. I bëj thirrje Alabbarit që mos bashko aksionet tuaja me ato të Edi Ramës. Tani çfarë bëjnë këta nga dalja në dalje në TV, nxjerrin Alabarnin sikur i drejtohen Profetit , ka interesin personale Edi Rama prandaj. Kjo është afera më e madhe dhe grabitje e pronës publike, asnjë shqiptar nuk e toleron”, tha Berisha.
