Politikanë shqiptarë kanë reaguar të entuziazmuar pas fitores së Zvicrës kundër Serbisë.
Në reagimet e bëra në rrjetet sociale, kreu i PD-së Sali Berisha kryetari i partisë së Lirisë, Ilir Meta, deputeti socialist Pandeli Majko, deputeti demokrat Lulzim Basha kanë uruar fitoren e Zvicrës me foton e Xherdan Shaqirit dhe Granit Xhakës, të cilët janë dy futbollistët shqiptarë nga Kosova, të kombëtares së Zvicrës.
Kryeministri i Kosovës, Albin Kurti, në një postim në FB-un e tij, KU në foto janë Xhaka dhe Shaqiri duke festuar pas golit të këtij të fundit, shkruan: Serbia nuk kalon. Urime Zvicrës!
Po ashtu edhe presidentja e Kosovës, Vjosa Osmani ka postuar një foto të Xherdan Shaqirit dhe Taulant Xhakës ku të dy shfaqeshin duke bërë shqiponjën në Botërorin e kaluar ndaj Serbisë. Në postimin e saj ajo shkruan: Bravo shqipe!
Deri tani, mungon një reagim nga kryeministri Edi Rama.
Zvicra ka kaluar në fazën e 1/16 ku do të përballet me Portugalinë. Ndërsa Serbia është eliminuar nga Kupa e Botës për të dytën herë radhazi nga Zvicra.
