Policia Rrugore në Fier ka vijuar kontrollet në të gjitha akset në qytet, me qëllim evidentimin dhe ndëshkimin e shkelësve të Kodit Rrugor.
Uniformat blu bëjnë me dije se janë arrestuar në flagrancë 2 drejtues mjetesh, për drejtim mjeti në gjendje të dehur dhe 2 drejtues mjetesh për drejtim mjeti pa leje drejtimi.
“Janë arrestuar në flagrancë 2 drejtues mjetesh, për drejtim mjeti në gjendje të dehur dhe 2 drejtues mjetesh për drejtim mjeti pa leje drejtimi. Gjithashtu janë pezulluar 124 leje drejtimi, nga të cilat 121 për tejkalim të normave të shpejtësisë dhe 3 për drejtim të mjetit, nën ndikimin e alkoolit”, njofton Policia e Fierit.
Policia Rrugore e Fierit u kërkon drejtuesve të mjeteve që të respektojnë me rigorozitet rregullat e qarkullimit rrugor, të shmangin përdorimin e celularit gjatë drejtimit të mjetit dhe drejtimin e mjetit, nën efektin e alkoolit.
