Një lajm i rëndë ka pushtuar mediat ditën e sotme ku një 35-vjeçare shtatzënë në Prishtinë, u vra mbrëmjen e sotme në oborrin e maternitetin nga ish-bashkëshorti i saj.
Mediet në Kosovë raportojnë se viktima jetonte me babanë e saj që kur u nda nga bashkëshorti.
Motra e viktimës ka thënë për T7 se 35-vjeçarja dhe autori kanë pasur probleme edhe më herët dhe se partneri i motrës mbante gjithmonë armë dhe thikë në shtëpi.
“Policia ka qenë në dijeni se motra është ndarë që katër muaj. Edhe sociali e ka ditur gjendjen e saj. Rastin atë natë e kemi lajmëruar dhe mjekëve, na kanë thënë në dorë tonë është… Policia që katër muaj e din që u nda prej tij, e kanë ditë gjendjen e saj si e ka. Nuk ka tregu asgjë. E kemi vizituar. Dje kemi qenë e kemi vizituuar, kanë qenë edhe vjehrra e saj dhe kunata, as nuk u kemi folë, ajo i thoshte ktheu për hatër të fëmijëve”, ka thënë ajo.
Sipas motrës, viktima është ndarë me ish-bashkëshortin me ndihmën e policisë.
