“Nuk do të ketë Ballkan të Hapur dhe botë serbe!”.
Ky ishte mesazhi i qytetarëve të Malit të Zi në protestën që u zhvillua në Podgoricë, ku u kërkua mbajtja e zgjedhjeve të reja me sloganin: “Mali i Zi nuk është dhe nuk do të jetë kurrë në shitje”.
Tubimi me sloganin “Ne ekzistojmë” u zhvillua para parlamentit të Malit të Zi dhe ishte i treti në radhë gjatë këtij muaji.
Ne protestë morën pjesë mijëra qytetarë të cilët kërkojnë tërheqjen e amendamenteve të Ligjit për presidentin, zhbllokimin e Gjykatës Kushtetuese si edhe mbajtjen e zgjedhjeve të parakohshme parlamentare.
Gjatë kësaj proteste aktivisti Predrag Vušurović Vušurović ka deklaruar se koha dhe durimi i qytetarëve ka arritur pikën finale, ndërsa anëtari i Kryesisë së DPS-së, Nermin Abdiq, tha se nuk kanë shtet rezervë dhe se “shtëpia e vetme dhe e përjetshme është Mali i Zi”.
“Mali i Zi nuk është dhe nuk do të jetë kurrë në shitje. Ne kemi dhe do të jemi edhe më shumë për të mbrojtur çdo pëllëmbë të atdheut malazez. Ne nuk duam as zinxhirë dhe as dry. Mali i Zi nuk ka alternativë. Duhet të bëjë një hap të sigurt në familje të kombeve europiane. Duhet të ruajmë harmoninë multietnike”, u shpreh ai.
Deputetja e Partisë Socialdemokrate (SDP) Draginja Vuksanoviq Stankoviç u ndal edhe te raporti i ngushtë i kryeministrit në detyrë Dritan Abazoviç me Presidentin serb Aleksandër Vuçiç, duke deklaruar se Mali i Zi nuk do të bëhet kurrë pjesë e sferës së influencës së Beogradit.
“Nuk do të ketë Ballkan të Hapur, nuk do të ketë botë serbe. Dritan Abazoviç, ju që jeni ndihmësi i Vuçiçit, mund të trumbetoni vetëm Ballkanin e Hapur në Beograd, Vuçiç, Vulin, Rakoviq dhe Beçkoviq. Mali i Zi nuk do të komandohet nga Terazij dhe Dedinje por nga Crna Lart Duart larg Malit te Zi. Ne jemi këtu për të mbrojtur çdo pëllëmbë te Malit te Zi”, deklaroi ajo.
