Del sot para gjykatës, 26-vjeçari shqiptar, i cili përplasi për vdekje studenten 21-vjeçare në Selanik.
E reja nuk mundi t’i mbijetonte dot plagëve duke ndërruar jetë disa ditë pas aksidentit në spital. Familja e saj ka vendosur që t’i dhurojë organet e të resë.
Siç shpjegoi avokati i familjes së 21-vjeçarit, ndjekja penale e ngritur ndaj 26-vjeçarit shqiptar parashikon një dënim deri në 10 vjet burg.
“Pozicioni i familjes është ta akuzojë atë për vrasje nga pakujdesia me keqdashje të mundshme. Nuk është vetëm se e ka braktisur por ka bërë gjithçka për t’u zhdukur, thjesht nuk ka llogaritur se kamerat e rrugës fatmirësisht sot regjistrojnë gjithçka”, tha ai.
Studentja 21-vjeçare në fillim u shtrua Repartin e Mjekimit Intensiv të spitalit Papageorgiou por nuk mundi t’ mbijetonte dot plagëve duke mbyllur sytë një ditë më parë. Varrimi i 21-vjeçares, e cila studionte në Shkollën Veterinare të AUTH-së, pritet të zhvillohet në vendlindjen e saj, në Chania.
