Pse u përmbyt Shkodra, nga erdhën përmbytjet në masë kaq të madhe pas reshjeve të fundit në vend?
Eksperti i ekonomisë, Pano Soko, vlerësoi në emisionin “MCN economy”, se paralajmërimi i reshjeve të dendura në vend ishin njoftuar nga meteorologët që javë më parë, teksa menaxhimi i kaskadave nuk u bë siç duhet.
Soko, kritikon faktin se hidrocentralet duhet të ishin ndezur me kohë, dhe të ishin hapur portat direkt që të mos vijmë deri te këto përmbytje.
“Parashikimet e motit ishin paralajmëruar që para 1 jave zyrtarisht, ne që në atë kohë e kemi ditur se në ato data do të ketë reshje të mëdha të shiut. Nga pikëpamja e akomodimit të burimit të energjisë, ti që momentin që merr vesh, i ndez hidrocentralet me të gjitha kapacitetet.
Pse e ndez, që e para përfiton që të kesh reshja se i je lutur zotit për të prodhuar energji kaq të lirë sa prodhojmë ne, për të kursyer ky nga ky 80% i ndez këto hidrocentrale dhe i mban me kapacitet të plotë që përpara, kursen këtej, dhe zbraz basenet qe kur të vijnë reshjet të kesh basenin bosh, këtë e kanë bërë të gjitha vendet e rajonit, ne nuk e bëmë, neve na gjetur e shtuna, me Komanin me 173 metra mbi nivelin e detit, dhe Vaun e Dejes me 73 metra mbi nivelin e detit. Pra e ka gjetur me 1 dhe 3 metra pishte nivelit max te detit, që do të thotë ti duhet të hapësh portat sepse përndryshe përmbytemi”, tha ai.
Soko vlerëson se nuk u prodhua energjia, sepse ishin kompanitë kontraktuese për blerje te energjisë, me te rëndësishme sepse qyteti që rrezikonte përmbytjen.
“Po pse nuk u prodhua, sepse ne kemi pasur që në datat 10-19 kemi kontraktuar blerje të energjisë elektrike, tani pse bën kontratë për blerje kur e din që duhet ta shfrytëzosh këtë kapacitet energjie , këtë kapacitet rezervë, duhet ta shfrytëzosh jo thjesht për të shpëtuar paratë, por edhe të shpëtosh qytetarin nesër, e këtu futemi te historia klasike shqiptare, këtu brokerat e energjisë janë më të rëndësishëm sesa qytetari i Shkodrës, sesa qyteti, sesa të gjithë. Sepse meqë i kemi aty leket, hajt ti prishim, është 200 milion euro torta, që duhet ngrënë, kjo është arsyeja qe pse ndodhi, sepse nuk do duhej të kishe blerë, por të prodhoje, zbraze se do të mbushet, do vie shiu, do i mbushesh prap“, deklaroi ai.
