Seanca plenare e kësaj të enjteje ka nisur me tensione, teksa kryetari i Partisë Demokratike, Sali Berisha bllokoi foltoren e Kuvendit dhe kryeparlamentarja Lindita Nikolla nuk ia dha fjalën.
Duke mos patur të drejtën e fjalës, Berisha hyri live nga llogaria e tij në rrjetin social, FB. Pas Berishës fjalën e morën dhe deputetët e tjerë të PD-së.
Këlliçi deklaroi nga foltorja e Kuvendit, se qeveria nuk mund t’i mbyllë gojën opozitës. Ai tha se show në Kuvend bëhet për të censuruar opozitën.
“Erdhëm prapë si në javën e kaluar. E gjitha bëhet për t’i hequr replikën zotit Berisha, për të thënë disa të vërteta. Se kuptoj se pse qenka e vështirë që të zbatohet kërkesa e opozitës për të folur. Problemi i sotëm është se keni parë kryeministrin javën e kaluar, që me zor prisni që të vinit në seancën e sotme që të diskutonit për portin, ndërkohë që sot opozitës po i mbyllet goja. Po më thoni nëse për 4 minuta qytetarët të kenë transparencë dhe të kuptojnë se çfarë fshihet pas kësaj afere, ku do të ketë apartamente, dhe jahte apo vila, dhe s’do të jetë port.”, tha Këlliçi.
