Pedagogët janë mbledhur sot para parlamentit me pankarta në duar duke përsëritur kërkesat e tyre. Protesta mbahet në të njëjtën ditë kur parlamenti do të debatojë dhe miratojë buxhetin 2023.
Pedagogët kishin kërkuar të ishin pjesë e diskutimit në komision për buxhetin, por kërkesa e tyre nuk u pranua.
“Ne i kemi kërkuar që më 24 tetor komisionit të edukimit që të ishim pjesë e diskutimeve në komision për buxhetin. Meqenëse ky komision nuk na thirri dhe pse ishim grup interesi dhe kërkonim rritjen e buxhetit për arsimin dhe shkencën ne sot kemi dalë të protestojmë’, thanë pedagogët.
Edhe pse nuk kanë shumë shpresa, pedagogët shprehen se do t’i shkojnë deri në fund kauzës së tyre.
“Ne do të bëjmë punën tonë po se çdo të bëhet aty brenda e dinë ata. Sot qeveria ka afatin e fundit për të plotësuar pikat e peticionit. Pedagogët që morën pjesë në protestë po zevendësojnë orët. Protestat do i vazhdojmë se kemi 70% të kërkesave pa plotësuara”- shprehet një prej pedagoëve.
“Sot e dimë që miratohet buxheti dhe kjo shpresojmë të sensibilizojë politikën dhe kërkesat kanë lidhje me biuxhetin e shtetit. Duke parë rrjedhën sesi ka shkuar pak shpresa kemi por ne do të bëjmë tonën deri në fund. Secili pdagog do gjejë kohën e vetë për të zevendësuar orët që munguan pasi ishin në protestë”- tha një tjetër.
Një prej pedagogëve tha se rritja e pagës prej 8 % për të cilën flitet, është vetëm për stafin akademik dhe vetëm në disa universitete specifile.
“Asnjë nga kërkesat tona nuk është realizuar deri më tani. Rritja e pagës nuk është realizuar. Rritja e pagave prej 8 % është bërë vetëm për stafin akademik në katër universitete. Ne të tjerët jo. Sot bëhet fiks dy muaj dhe unë nuk di asgjë. Ne protestën e kemi patur për sensibilizim, as për dhunë, as për forcë. Ka qenë një kërkesë nga disa anëtarë të sindikatës, dhe meqë sot ka qenë edhe seanca plenare, në vendosëm të dilnim sot në protestë.”- tha ai.
Kërkesat e pedagogëve
-Rritja e pagave për pedagogët dhe stafin ndihmës
-Rritja e financimit për kërkimin shkencor
-Rivendosja e shtesave mbi pagë për ‘Dëshmëri shëndeti në punë’
-Rritja e shtesës mbi pagën për vjetërsinë në punë
-Rritja e pagesës së orëve të ngarkesës suplementare
-Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfierencimit të orës mësimore të leksionit.
-Rishikimin e tatimit prej 23% mbi pagesën e ngarkesës suplementare
-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
-Të bëhet transparencë mbi buxhetin dhe të ardhurat e universitetet publike.
