Prokuroria e Posaçme ka lëshuar një urdhër-arresti për Aleksandër Lahon, i njohur ndryshe si “Rrumi i Sukthit”.
Mësohet se urdhër-arresti për Lahon u lëshua pas akuzave për korrupsion, dhe tjetërsim të pronave në zonën e Gjirit të Lalzit.
Laho është një emër i njohur për policinë, pasi më 1 nëntor 2019 mbeti i plagosur në atentatin ndaj ish-Prokurorit Arjan Ndoj, ngjarje e ndodhur pranë mbikalimit të Shkozetit, ku mbeti i vrarë shoferi i tij Andi Maloku 24 vjeç.
Ai gjithashtu është shpallur në kërkim nga policia e Durrësit pasi akuzohet për heqje të paligjshme të lirisë në kuadër të operacionit “Porositësi”, ku pas dëshmisë së vëllezërve Indrit dhe Gentian Beqiraj u zbulua një grup killerash me pagesë.
Vëllezërit Beqiraj rrëfyen para hetuesve planin për vrasjen e Laho, por personazhi i njohur i botës së krimit kuptoi se po e ndiqnin dhe i kërkoi Agron Bejdollit, i cili është lidhja më e fortë e Aleksandër “Rrumit” të Shijakut që të reagonte.
Bejdolli veproi duke marrrë peng Indrit Beqirajn në autostradë, teksa i bëri prittë motorit ku i riu po udhëtonte me vëllain, Gentianin.
Bejdolli është shpallur në kërkim nga policia njëjtë si “Rrumi”.
