Kryeministri Edi Rama ka vizituar sot Shkodrën në përpjekje për të parë situatën nga afër.
Në vend që t’i japë zgjidhje banorëve të përmbytur të cilëve iu është shkaktuar një dëm i madh material, Rama iu përgjigj ish-kryeministrit Sali Berisha duke e cilësuar skandal më vete deklaratën e kjo situatë u krijua nga hapja e kaskadës.
“Ky është një sistem që vihet në lëvizje sipas niveleve të planit. Nisen e dinë shumë mirë edhe me çfarë do përballen dhe kanë bërë sakrificë gjithmonë pa asnjë rezervë. Ajo që duhet thënë është se prapë janë hektarë të përmbytur. Nëse në të gjithë zonat e tjera kemi ndryshim të sistemeve të kullimeve këtu nga strukturat vendore kemi pasur gjithmonë problem. Nuk dua të fajësoj njeri, por të thuash se përmbytja erdhi si pasojë e kaskadës, është skandal. Shifrat dhe lëvizjet e shkarkimeve, dhe është bërë çmos nga specialistët që mos mbivendosjet shkarkimi me prurjet natyrore. Njerëzit mund ta bëjnë vetë diferencën. Të vijojë puna e të ofrohet mbështetje. Natyrisht të vazhdojmë punën dhe të tregojmë maksimumin e solidaritetit. Shifrat që përmendi Elisa janë fakte”, deklaroi Rama.
Gjatë postimit në Facebook, Rama shkruan se situata e përmbytjeve në Shkodër është më e mirë duke e krahasuar me vitin 2010.
“Në Shkodër tek harku i Bërdicës, ku në krahasim me 2010-ën situata është përmirësuar tërësisht. Nga 12 mijë banorë të evakuuar atëherë, sot vetëm 22, nga 2800 banesa të përmbytura sot asnjë shtëpi e mbuluar nga uji, nga 14 mijë hektarë të përmbytur sot vetëm 1 mijë e 300 hektarë, të gjitha këto sipas të dhënave zyrtare të publikuara nga vetë Bashkia Shkodër”, ka shkruar Rama.
Në takimin që zhvilloi me banorët e zonës, Berisha theksoi se kjo situatë ka ardhur si pasojë e keqmenaxhimit nga ana e qeverisë pasi është bërë ligj për shkak të vjedhjeve që këta bëjnë në energji pasi energjia është shndërruar në një mall që vjedhin ditë e natë.
