Në një konferencë të përbashkët me kryetarin e Bashkisë Bardh Spahia, Berisha tha se përmbytjet në Shkodër nuk kanë ardhur nga dora e Zotin, por nga dora e robit hajdut, duke nënkuptuar në këtë rast kryeministrin Edi Rama. Sipas Berishës, një javë më parë instituti i gjeoshkencës i ka dërguar në zyrat e të gjithë vendimmarrësve sinoptikën duke informuar se do ketë rreshje të fuqishme në Alpe, të jashtëzakonshme dhe se duhet të merren masa.
Berisha shton se përmbytjet kanë ardhur nga keqadministrimi i kaskadave, të diktuara nga vjedhja qeveritare.
“Kam ndjekur me shqetësim të thellë zhvillimet e paralajmëruara në qarkun e Shkodrës dhe erdha për të shprehur solidaritetin timj më të thellë për të gjithë banorët e këtij qarku, për autoritetet vendore. Për punën dhe përpjekjet e mëdha në kushte shumë të vështira.
Kjo fatkeqësi natyrore nuk është e ralle por e vecantë. Eshte dora e robit hajdut.
E them sepse kjo u krijua kryekeput nga keq administrimi i kaskadës, të diktuara nga vjedhja qeveritare. Gjatë ketyre ditëve, Rama dhe ministrja e tij Balluku nuk kanë prodhuar energji por kanë blere energji me 22.6 euro megavati në bursë në një kohë kur energjia e kontraktuar 10 mln euro mund të prodhohoj pa asnjë lloj kufuzimi, pasoje në kaskadën e drinit. Sot Edi Rama fajin e gjen te mediat dhe opozita për vjedhjen dhe katastrofen që krijoi vetë. Pse them dora e robit hajdut? Sepse një javë më parë instituti i gjeoshkencës i ka dërguar në zyrat e të gjithë vendimmarrësve sinoptikën duke informuar se do ketë rreshje të fuqishme në Alpe, të jashtëzakonshme dhe se duhet të merren masa.”- tha Berisha.
Berisha bën fajtor qeverinë duke thënë se ata e hapën fshehur tunelin e Komanit duke shkaktuar përmbytje të qarkut Shkodër njëkohësisht duke i futur thikën pas shpine qytetarëve.
“Përmbytja është qeveritare dhe akt i mirëfilltë kriminal, do vijë koha që do bëhen përgjegjës Rama e Balluku e hajdutë të tjerë që lejuan këtë katastrofë. Kur kjo katastrofë ka vetëm shkak vjedhjen dhe keqmenaxhimin e kaskadës nga vjedhja. Fshehtas hapën tunelin dhe nuk lajmëruan, duke futur thik pas shpine duke i thënë qytetarëve nuk ju mbytëm ne por shiu. Ata janë përgjegjës që hapën këtë dhe kanë detyrim ligjor. Spahia i bëri thirrje KESH-it dje por ata vepruan fshehtas. Një javë më par u mbyll një gjyq, cfarë ishte ai, për vrasjen nga ndërtesa të rrënuara në tërmetin e shtatorit 2019, të cilat u bënë të pabanueshme por banorët u lanë po aty që tu mirrte shpirti tërmeti i nëntorit, u bë për të vjedh fondet që duheshin për të sistemuar e meremtuar.”- tha Berisha.
