Deputetja demokrate Jorida Tabaku, ka folur për inceneratorët, teksa është shprehur se SPAK duhet të godasë pushtetin, dhe se provat sipas saj janë.
E ftuar në emisionin “Kjo Javë”, Tabaku ka thënë se udhëtimet janë jo vetëm të Alqi Bllakos, por edhe të Ahmetajt dhe Gjiknurit.
“Ato që ne sot dëgjojmë publikisht dhe arrestime e fakte që bëhen publike nuk janë e re. Komisioni Hetimor i ka ndjekur. Arrestimet e fundit, mund të ishin bërë edhe 7 muaj më parë. Lidhja dhe influenca tek personat private ka qenë evidente, thjesht sot po evidentohen publikisht dhe ndoshta SPAK ka arritur të dokumentojë një lidhje më të re. Udhëtimet janë jo vetëm të Alqi Bllakos, por edhe të Ahmetajt dhe Gjiknurit. Pra të vazhdojë edhe tek personat me pushtet. Si kanë përfituar”, shprehet Tabaku.
Tabaku vijon më tej teksa thotë se kanë dorëzuar 11 padi dhe se SPAK të tregojë guxim të shkojë tek pushteti.
“Në Komisionin Hetimor u denoncuar fakti se janë 800 mln bileta udhëtime në kohë krize në kohë Covid-i. këtë të hetojë SPAK. Duhet sikur afera e inceneratorëve po nxjerr në dritë skandale, por SPAK e ka informacionin. Të ekspozohen faktet ashtu si ne i kemi dorëzuar, janë 11 padi të plotë, gjykoj që informacioni është atje. I kërkoj SPAK të mos trajtohet të ndara, por më vete sepse janë të njëjtët individë. I kam kërkuar që të tria çështjet bashkë sepse paratë për Elbasanin janë përdorur për Fierin dhe Elbasanin. Pashë një dhomë plot me dosje që po analizohen. hetimi i kësaj aferë kërkohet dhe nuk ka pasur përfaqësues të kompanive ku thonë nuk dinë ku kanë shkuar 20 mln dollarë. SPAK të tregojë guxim të shkojë tek pushteti. Sot pushteti duhet të preket”, tha Tabaku.
