Vlora është duke u përgatitur këto ditë për festat e 28-29 Nëntorit, duke vënë flamuj dhe banderola në rrugët e qytetit.
Një banderolë e ngritur së fundmi në nderim të Ismail Qemalit, i ka ndryshuar emrin këtij të fundit, duke e quajtur Ismali Qemali.
Mesa duket kjo gafë nuk u ka rënë në sy zyrtarëve të administratës publike.
Në lidhje me këtë ka reaguar edhe ish-deputeti i Partisë Demokratike dhe kryetari i Partisë Lëvizja Demokratike e Shqipërisë Myslym Murrizi i cili me një postim në FB ka ironizuar.
“Nga viti 1912 emrin e ka patur ISMAIL. QEMALI. Por me duket se ja paskemi ditur gabim ,sepse ne kete 110 vjetor bashkia Vlore paska vene nje banderole me emer tjeter ISMALI QEMALI. Ishalla e ka deklaruar ne formularin e dekriminalizimit se perndryshe do ta “ haj” keq nga spaku. Apo do ja kene ndryshuar qellimisht qe ti fshehin te dhenat per dosjet e ish sigurimit haha??”, shkruan në nota ironie ish-deputeti.
