Kryetari i PD-së në Lushnjë, Eduart Sharka, komentoi në emisionin ‘Syri Digjital’ protestën e qytetarëve në Divjakë kundër vendosjes së traut.
Eduart Sharka tha se kemi të bëjmë me një shkelje flagrante të ligjit ndërsa shtoi se trau vendoset vetëm në doganë, dhe në asnjë rrugë nacionale. Sipas tij, ky është simboli i babëzisë së qeverisë.
“Një simbol i babëzisë së kësaj qeveria që qytetarët e Divjakës kurrësesi nuk kanë për të rënë dakord, kjo u duk nga vendosmëria në pjesëmarrje dhe argumentat e tyre. Po luftojmë me padrejtësinë dhe arrogancën e qeverisë. Sot ishim pesë të proceduar, sapo dola nga komisariati i policisë dhe akuza ishte për zaptim rruge, e kundërta ndodh, ne ishim për ta çliruar rrugën se ishte zaptuar nga një kjoskë, ne akuzohemi për zaptim rruge. Po ndiqemi në gjendje të lirë për bllokimin e rrugës dhe përplasjen me policinë. Policia na tha për çfarë keni ardhur se aty s’ka as ndonjë objekt”, tha Sharka.
