Deputeti i Partisë Demokratike, Dashnor Sula u shpreh se është kundër organizimit të protestës së radhës të opozitës më datë 6 dhjetor.
Gjatë intervistës për Ora News, sipas Sulës, organizimi i protestës në një ditë të tillë është jonormale.
Dashnor Sula: “Unë kam qenë pjesëmarrës në të gjitha protestat e opozitës deri tani. Por kjo protesta e datës 6 dhjetor mendoj që nuk është normale, nuk mund të ndodhi pasi ne jemi shtet demokratik, po aspirojmë për të aderuar drejt BE dhe data 6 dhjetor është dita e mbledhjes së gjithë kryeministrave të BE që janë pjesëmarrës këtu dhe mendoj se nuk do të ishte normale. Për hir të interesave të Shqipërisë do të thoja që një ditë më parë apo më mbrapa nuk do të ndryshonte asgjë. Më vjen keq për një vendim të tillë.”
Më 6 dhjetor në Tiranë do të zhvillohet samiti i Bashkimit Europian ku lider nga e gjithë kontinenti i vjetër do të zbarkojnë në kryeqytetin shqiptar. Kreu i Partisë Demokratike, Sali Berisha deklaroi ditën e sotme se në këtë datë do të zhvillohet protesta e radhës e opozitës për t’i treguar Europës realitetin e shqiptarëve, vështirësitë e tyre ekonomike, shpopullimin dhe pamundësinë për të përballuar jetesën.
