Kreu i PD-së Sali Berisha, nga foltorja e Kuvendit, përshëndeti banorët e Divjakës, të cilët thyen sot traun e vendosur në hyrje të parkut Divjakë-Karavasta.
Berisha shprehet se ata burra dhe gra guximtarë të Divjajës i thyen sot turinjtë mafies së Ramës duke i përmbysur traun antiligjor. Ai shtoi se opozita do të qëndrojë pas çdo qytetari që ka një kauzë të drejtë.
“Dëshiroj tu jap një përshëndetje të përzemërt banorëve të Divjakës, grave dhe burrave guximtarë të cilët me guximin e tyre i thyen sot turinjtë mafies së Edi Ramës, i përmbysën traun antiligjor, antiqytetar në rrugën e tyre shekullore. Opozita do të qëndrojë pas çdo qytetari që ka një kauzë të drejtë.”– tha Berisha.
Protesta u shoqërua me tensione dhe përplasje mes banorëve dhe efektivëve të policisë.
