Maqedonia Qendrore ishte fusha e veprimit të një 42-vjeçari shqiptar, i cili trafikonte sasi të konsiderueshme kokaine në zona të ndryshme, por më në fund pas veprimeve të koordinuara të policisë së Moudania Halkidiki u gjet në qendër të Selanikut .
Trafikanti i shqiptar u arrestua mbrëmjen e së martës dhe iu gjet një pako kokainë me peshë 101.12 gram. Më pas, u konstatua se në shtëpinë e tij në një zonë tjetër të qytetit, ai fshihte edhe shtatë pako me kokainë me peshë totale 181.06 gram, të cilat iu sekuestruan si dhe një peshore elektronike, një celular dhe 120 euro.
42 vjeçari shqiptar u dërgua në Prokurorinë e Selanikut, me çështjen e ngritur ndaj tij për veprën penale të trafikut të lëndëve narkotike.
Ai u arrestua në zonën e Bashkisë së Ierapetrës nga Policia e Sigurisë dhe ekipi i DIAS-it.
Një tjetër shqiptar, 37-vjeç, pas kontrollit në banesën e tij iu gjetën dhe u konfiskuan 11 “doza” me gjithsej 7.64 gram kokainë, së bashku me 3200 euro nga shitja e drogës dhe dy celularë. Shqiptari u dërgua në Prokurorinë e Lasithit, nga ku u ndoq penalisht për posedim droge me qëllim trafikim.
