Ministri britanik i Emigracionit, Robert Jengrick ka bërë një propozim për të gjithë azilkërkuesit në Mbretërinë e Bashkuar. Ai tha se qyteteve të vogla dhe fshatrave do u kërkohet të strehojnë më shumë qytetarë të cilët vijnë nga kanali i La Manshit me gomone, si një mënyrë për të adresuar numrin e lartë të emigrantëve të paligjshëm.
Këtë propozim, ministri e ngriti në Parlament pasi deputetët ngritën shqetësimin mbi procedurat kaotike të departamentit të tij.
Jonathan Gullis, deputet konservator tha se qytetarët që kërkojnë azil, po vendoseshin në zonën e tij elektorale.
Ministri tha se qeveria “po përpiqej të siguronte kushte strehimi më të mira duke përfshirë akomodimin edhe në zonat rurale”.
“Historikisht, çështja u përqendrua në qytete. Tani po kërkojmë të prokurojmë akomodim më gjerësisht në qyteza më të vogla dhe në disa zona rurale” – tha ministri.
Një tjetër deputet konservator tha se një prej emigrantëve të paligjshëm, i cili rezultonte edhe me precedent të theksuar kriminal, u strehua në një hotel në zonën e tij elektorale. Por tashmë, sipas deputetit, emigranti rezulton i zhdukur.
“Këshilli i Buckinghamshire mësoi se në një lagje në Londër pikërisht këtë mëngjes, një azilkërkues i cili është nën hetim për një shkelje shumë të rëndë u transferua në hotelin e azilit në Buckingham nga policia metropolitane, por nuk u shoqërua në ambientet e policisë, dhe tani rezulton i zhdukur.”
Jenrick tha se ai do të ngrejë çështjen me Home Office dhe do të raportojë përsëri.
Deputeti i Kettering, Philip Hollobone, pohoi se pas valës së krimit në zonën e tij elektorale qëndronin emigrantët shqiptarë.
“Nga vendi ku jam ulur, në këtë kohë, qeveria e Madhërisë së Tij nuk po mbron as brigjet tona, as nuk po mbron komunitetin tim lokal nga një rritje e krimit të importuar,” tha ai.
