Agroturizmi ishte një nga temat kryesore që kryeministri Rama përmendi gjatë një takimi me fermerë të Poliçanit.
Duket se Rama po përpiqettë kthejë emigrantët në Shqipëri pasi sipas tij investimet në këtë sektor mund të sjellin shumë të ardhura.
“Kemi sot shembuj konkret sesi dikush që ka një pronë, nhjë tokë në fshat apo merr një tokë me qira bën një biznes që është shumë më fitimprurës sesa të punojë jashtë për të tjerë.“, tha Rama.
Rama gjithashtu premtoi një sistem më të zhvilluar agroindustrie ku dhe kërkoi bashkëpunimin mes qeverisë dhe fermerëve.
“Duhet të shikojmë me shumë më tepër ngulm te agropërpunimi”, tha Rama, premtime të cilat i kishte bërë edhe në vitin 2013.
Takimet e Ramës vijnë në kuadër të turit para zgjedhjeve vendore të 14 majit vitin e ardhshëm.
