Kryeministri Edi Rama sot do të zhvillojë një takim zyrtar në Maqedoninë e Veriut, ku do të takohet me homologun e tij Dimitar Kovaçevski.
Pas mbërritjes, Rama do të ketë një takim “kokë më kokë” me kryeministrin e Maqedonisë së Veriut. Midis Shqipërisë dhe Maqedonisë së Veriut do të nënshkruhen edhe marrëveshje, ndërsa në orën 14:10 do të ketë edhe një konferencë të përbashkët mes dy kryeministrave.
“Mirmëngjes nga Shkupi, ku do të zhvillojmë mbledhjen e dy qeverive e do të finalizojmë një sërë marrëveshjesh e memorandumesh ndërqeveritare Shqipëri – Maqedoni e Veriut”, njofton Rama.
Axhenda e plotë e vizitës së Edi Ramës në Maqedoninë e Veriut:
E hënë, 14 nëntor 2022 Shkup
10.30 – Ceremonia e pritjes në Kryeministrinë e Republikës së Maqedonisë së Veriut me të gjithë nderimet shtetërore-ushtarake
10.45 – Takim tete-a-tete i dy kryeministrave. (Dimitar Kovaçevski, Kryeministër i Republikës së Maqedonisë së Veriut dhe Edi Rama, Kryeministër i Republikës së Shqipërisë)
11.00 – Hapja e sesionit plenar të mbledhjes së dy qeverive (Fjalë hyrëse nga të dy kryeministrat) që vijon me diskutimin e hapur të ministrave nga të dyja kabinetet qeveritare. Kryeministri i Republikës së Maqedonisë së Veriut, përmbyll sesionin plenar.)
12.35 – Ceremonia e nënshkrimit të marrëveshjeve dhe memorandumeve ndërqeveritare
13.00 – Konferencë e përbashkët për shtyp e dy Kryeministrave
14.10 – Foto e përbashkët
