Kryetari i Partisë së Lirisë Ilir Meta ka reagur ditën e sotme duke ndarë foto nga protesta e djeshme teksa deklaron se Shqipëria u përket të rinjve.
Me anë të një postimi në FB, Meta duke i kthyer përgjigje udhëheqësve fetarë që shprehën shqetësim disa ditë më parë për largimin e shqiptarëve nga vendi, shkruan se kjo tokë i përket të rinjve dhe të rejave tona.
“Shqipëria u përket të rinjve! Pyetjes aq të ndjerë të udhëheqësve tanë fetarë se kujt do t’ia dorëzojmë këtë tokë të bekuar, sot i kemi dhënë përgjigjen: Askujt përveç të rinjve dhe të rejave tona”, shkruan Meta.
Meta pas përmbylljes së protestës së thirrur nga opozita e bashkuar, paralajmëroi të tjera protesta. Ish-presidenti u shpreh se do të garantojnë shumë shpejt llogaridhënien për Ramën.
Po ashtu ai tha se; “Kemi energji për organizimin e protestave sidomos kur bëhet fjala për të mbrojtur lirinë dhe atdheun nga një mafie që e urren popullin dhe rininë tonë”.
